Тадбиркорлар ва ТИФ
иштирокчилари учун доимий
ишонч телефони
11-08
Аёллар ўртасида ташкил этилган спорт мусобақаларида ғолиблар муносиб тақдирланди
1128
Бугун жамиятимизнинг ҳар бир бўғинида аёлларнинг жон куйдириб меҳнат қилиб, юрт тараққиёти йўлида ўзларининг муносиб ҳиссаларини қўшиб келаётганликларини эътироф этмасдан иложимиз йўқ.

Шу жиҳатдан, божхона органларида ҳам хотин-қизларнинг ўз ўрни бордир. Улар тун-у кун чегара божхона постларида сергак туриб, юртимиз иқтисодий хавфсизлигини таъминлаш йўлида хизмат  қилишмоқда.

Бухоро вилояти божхона бошқармасида 8 март – Халқаро хотин-қизлар куни арафасида аёллар саломатлигини мустаҳкамлаш ва уларнинг ишдан бўш вақтларини унумли ўтказиш мақсадида спорт мусобақалари ташкил этилди.

Унда вилоят божхона тизимида меҳнат қилаётган аёллар иштирок этишиб, спортнинг шахмат, шашка, стол тенниси каби турларида ўзаро беллашишди. Қизғин баҳс ва мунозараларга бой бўлган курашларда аёллар ўзларини нафақат жисмоний, шунингдек, интеллектуал жиҳатдан ҳам фаолликларини намойиш этиб боришди.

Шу куни бўлиб ўтган мусобақалар ичида энг қизиқарли ва шиддатга бой дея стол тенниси мусобақалари эътироф этилди. Мусобақалар якунида эса, ғолибаларга эсдалик совғалари топширилди.

Жамиятда фидойи шахс, оилада жонкуяр аёл, меҳрибон она, севимли ёр ва  ғамхўр опа-сингил бўлган мўътабар аёллар, баҳор айёми муборак бўлсин! Қалбингиз баҳор чечакларидек доимо гўзалликла уйғун бўлсин!

 

 

5.03.2021

Эшитиш учун матнни белгиланг ва ушбу тугмани босинг