Yurtimizning bebaho boyliklaridan biri bo’lmish  qorako’l terisiga azaldan xorijda ham qiziqish va talab katta. Bundan foydalanishni ko’zlagan ba’zi qo’shtirnoq ichidagi tadbirkorlar garchi olib chiqish taqiqlangan bo’lsada  qorako’l terisini xorijga olib chiqishga urinmoqdalar.

         Respublikamiz bojxonachilari bunday holatlarning oldini olish maqsadida qator chora-tadbirlarni amalga oshirishmoqda. O’tgan 2008 yil davomida bojxonachilar tomonidan jami 32 ta holatda, qiymati 177 million so’mlik, qariyb 27 ming dona teri mahsulotlari kontrabadasiga chek qo’yildi.
        Yaqinda Qoraqalpog’iston Respublikasi bojxona boshqarmasi xodimlari “Toshkent-Saratov” yo’lovchi poezdida Rossiyaga otlangan xorazmlik O. Ahmedovni bojxona nazoratidan o’tkazishganda, uning xo’jalik sumkalarida 110 dona qorako’l terilari borligi aniqlandi.  Natijada, jami 6 million 600 ming so’mlik ushbu bebaho boylikning xorijga olib chiqib ketilishining oldi olindi. 
         Hozirda yuqoridagi qonunbuzarlik holati yuzasidan surishtiruv harakatlari olib borilmoqda.