Respublikamiz bojxonachilari naqd xorijiy va milliy valyutalrni yurtimiz sarhadlari orqali noqonuniy olib o’tilishini oldini olish yo’nalishida qator chora-tadbirlarni amalga oshirishmoqda.

Yaqinda Toshkent xalqaro aeroporti bojxonachilari «Toshkent-Rim» yo’nalishi bo’yicha uchib ketayotgan fuqaro N. Nenkovani bojxona nazoratidan o’tkazishganda u shaxsiy buyumlari orasiga bojxona bayonnomasida ko’rsatilmagan 18900 AQSh dollarini bekitgancha olib ketmoqchi bo’lganligi aniqlandi.

«Toshkent-Krasnodar» yo’nalishi bo’yicha uchib ketayotgan fuqaro P. Belyakov shaxsiy ko’rikdan o’tkazilganda  u cho’ntagidagi  20 550 rossiya rublini  bojxona bayonnomasida ko’rsatmasdan olib ketmoqchi bo’lganligi oshkor bo’ldi.

«Toshkent-Laxor» yo’nalishi bo’yicha uchib ketayotgan pokistonlik Hayat Yusuf o’ziga tegishli yozuv daftari ichiga yashirilgan  8550 AQSh dollarini bojxona bayonnomasiga yozishni “unutganligi” sababli Toshkent xalqaro aeroporti bojxonachilari tomonidan to’xtatib qolindi.

Toshkent viloyati bojxona boshqarmasining S.Nadjimov bojxona posti xodimlari “Gaz-24” rusumli avtomashinani bojxona nazoratidan o’tkazishganda, fuqaro R.Chirchikbaev avtomashina saloni oldi  o’rindig’i tagiga hamda  avtomashina dvigatelining  yonigajami 8 million 400 ming so’mni yashirgancha noqonuniy ravishda qo’shni davlatga olib  chiqmoqchi bo’lganligi  fosh bo’ldi.

Hozirda yuqoridagi qonunbuzarlik holatlari yuzasidan surishtiruv harakatlari olib borilmoqda.