Respublikamiz bojxonachilari yurtimiz hududiga sifati kafolatlanmagan spirt va alkogol mahsulotlarning noqonuniy olib kirilishiga qarshi qator chora-tadbirlarni amalga oshirishmoqda.

           Yaqinda navoiylik bojxonachilar yirik miqdordagi spirtning noqonuniy olib kirilishiga chek qo’ydilar. Tomdi tumanida harakatlanayotgan “UAZ” avtomashinasini bojxona nazoratidan o’tkazilganda unga qiymati 2 million so’mdan ortiqni tashkil etuvchi, qariyb 1400 litr spirt yuklanganligi va u G’ijduvon tumaniga olib ketilayotganligi aniqlandi. Ma’lum bo’lishicha yosh bo’lishiga qaramay egri qadamni kattaroq tashlagan spirtning egalari A.Qo’ziev va A.Mirzaevlar mingdan ortiq yelim ishdishlardagi bu mahsulotni qayta sotish maqsadida Qozog’istondan yurtimizga olib kirishgan ekan. 
           Sirdaryo tumanida hududidagi yo’llarning birida to’xtab turgan “VAZ-2108” avtomobilini tekshiruvidan o’tkazgan viloyat bojxonachilari unda fuqaro N.Parmanovga tegishli 825 litr spirt mahsuloti borligini aniqlashdi. Tegishli hujjatlari bo’lmagan 1 million 650 ming so’m qiymatidagi sifati kafalatlanmagan bu mahsulot 550 dona yelim idishlarga joylangan ekan.
            Hozirda yuqoridagi qonunbuzarlik holatlari yuzasidan surishitiruv ishlari olib borilmoqda.