Respublikamiz bojxonachilari yurtimiz hududiga sifatsiz oziq-ovqat mahsulotlarining olib kirilishiga qarshi qator chora-tadbirlarni amalga oshirishmoqda. 

           Yaqinda Jizzax viloyati bojxonachilari boshqa huquqni muhofaza qiluvchi idoralar xodimlari bilan hamkorlikda 2 ta holatda hech qanday hujjatlarsiz olib ketilayotgan qariyb 1 tonnaga yaqin shokolad mahsulotlarini to’xtatib qolishdi.
        Davlat tilida markalanmagan va sifat sertifikatiga ega bo’lmagan bu shirinliklar “Ford” rusumli mikroavtobusga yuklangan holda qayta sotish maqsadida olib ketilayotgan ekan. Qiymati 10 million so’mdan oshiq ushbu shokoladlarning egalari fuqarolar M.Raimov va A.Latipovlar ekan.
         Yangiyo’l tumanidagi aylanma yo’llardan birida harakatlanayotgan      “Gaz 3110” rusumli avtomashinani nazoratidan o’tkazgan Toshkent viloyati bojxonachilari qiymati 3,5 million so’mga yaqin oziq-ovqat mahsulotlarining noqonuniy ravishda ichki bozorga kiritilishiga chek qo’yishdi.  Fuqaro  M.Mavlyanov sifati sertifikati va tegishli hujjatlari bo’lmagan 1 tonnadan oshiq tovuq go’shtlarini olib ketayotgan. 
          Hozirda yuqoridagi qonunbuzarlik holatlari yuzasidan surishtiruv ishlari olib borilmoqda.