Bojxona xodimlari qora va rangli metall parchalarining yurtimiz hududidan noqonuniy olib chiqilishiga qarshi kurashish borasida chora-tadbirlarni amalga oshirishmoqda.

          Cirdaryo viloyati bojxona boshqarmasi xodimlari qo’shni respublika bilan chegaradosh hududdagi yo’lda harakatlanayotgan “KamAZ” rusumli yuk avtomashinasini tekshirishganda, unda boyovutlik K. Primqulov 8 tonnaga yaqin qora metall parchalari hech qanday hujjatlarsiz olib ketayotganligi aniqlandi. 
            Shuningdek, sirdaryolik bojxonachilar tomonidan o’tkazilgan tezkor tadbir davomida gulistonlik  J. Kenjaevaning xonadonida turgan “Zil” rusumli avtoulov tekshirilganda ushbu mashina yukxonasiga 5 tonnadan ko’proq qora metall parchalari yuklanganligi va ular  chetga olib chiqish maqsadida hozirlab qo’yilganligi ma’lum bo’ldi.
         Hozirda yuqoridagi qonunbuzarlik holati yuzasidan surishtiruv harakatlari olib borilmoqda.