Respublikamiz bojxonachilari qishloq xo’jaligi mahsulotlarining yurtimiz hududidan noqonuniy olib o’tilishining oldini olish maqsadida qator chora-tadbirlarni amalga oshirishmoqda.

Yaqinda, Andijon viloyati bojxona boshqarmasi xodimlari aylanma yo’llarda harakatlanayotgan fuqaro T. Nabievboshqaruvidagi “Kamaz” rusumli yuk avtomashinasini bojxona nazoratidan o’tkazishdi. Natijada, ushbu avtomashinaga yurtimizda yetishtirilgan 10 tonna  pomidor va 350 kilogramm bodring yuklanganligi va ular noqonuniy ravishda qo’shni davlatga olib ketilayotganligi ma’lum bo’ldi.

Viloyat bojxonachilari yana bir holatda fuqaroU. Toshpo’latovning noqonuniy hatti-harakatiga chek qo’yishdi. Qonunbuzar U. Toshpo’latov 8 tonnadan ziyod nokni “Kamaz” rusumli yuk avtomashinasiga yuklab, aylanma yo’llar orqali yurtimizga noqonuniy olib kirmoqchi bo’lganligida to’xtatib  qolindi.                                                                     

Hozirda yuqoridagi qonunbuzarlik holatlari yuzasidan surishtiruv harakatlari olib borilmoqda.