Bojxona xodimlari yurtimiz hududidan qora va rangli metall parchalarining noqonuniy olib chiqib ketilishiga qarshi samarali chora-tadbirlarni amalga oshirishmoqda.

Yaqinda, Namanganlik bojxonachilar “Kamaz-5320” rusumli yuk avtomashinasini tekshirishganda, unda olmaliqlik   Z. Karimovga tegishli  16 tonnaga yaqin qora metall parchalari yuklanganligi va ular noqonuniy ravishda qo’shni Qirg’izistonga olib ketilayotganligi aniqlandi.

Toshkent viloyati bojxona boshqarmasi “Min-suv” bojxona posti xodimlari esa qo’shni davlat bilan chegaradosh hududdagi aylanma yo’lda,  harakatlanayotgan “Kamaz” rusumli yuk avtomashinasini tekshirishganda, fuqaro                X. Mo’ydinovning 4,5 tonnadan ziyod qora metall parchalarini chetga pullashining oldi olindi.