Sanoatda muhim ahamiyat kasb etuvchi qora metallga ehtiyoj hamisha baland bo’lib kelgan. Shu bois, qora metall parchalari va chiqindilari ham o’z qiymatini yo’qotmaydi. Bundan foydalanib qolishga uringan ba’zi yurtdoshlarimizning qora qilmishlariga esa o’z vaqtida chek qo’yilmoqda.

        Uchquduq tumanidagi aylanma yo’llarda harakatlanayotgan “UAZ” avtomashinasini nazoratdan o’tkazgan bojxonachilar unga fuqaro R.Setenazarovga tegishli salkam 1,5 tonna qora metall chiqindilari yuklanganini aniqlashdi.
        Sirdaryo viloyati bojxonachilari esa “Zil” yuk avtomashinasida qariyb 2 tonna temir parchalarini aylanma yo’llar orqali yashirincha qo’shni davlatga olib chiqishga uringan T.Karimovning hatti-xarakatlariga chek qo’yishdi.
        Bojxonachilar tomonidan Arnasoy tumanidagi aylanma yo’llardan birida harakatlanayotgan “Kamaz”ga ham oz emas, ko’p emas naqd 4 tonna qora metall chiqindilari yuklangani va ularning egasi fuqaro G’.Jozilov ekani aniqlandi.