Tarixiy va badiiy qiymatga ega bo’lgan buyumlarning  yurtimizdan noqonuniy ravishda olib chiqilishiga qarshi kurash borasida Davlat bojxona qo’mitasi  xodimlari tomonidan qator chora-tadbirlar amalga oshirilmoqda.                                                       

Tarixiy va badiiy qiymatga ega bo’lgan buyumlarning  yurtimizdan noqonuniy ravishda olib chiqilishiga qarshi kurash borasida Davlat bojxona qo’mitasi  xodimlari tomonidan qator chora-tadbirlar amalga oshirilmoqda.                                                       

Yaqinda, Toshkent shahar bojxona boshqarmasi xodimlari katta miqdordagi tarixiy, madaniy va badiiy qiymatga ega bo’lgan nodir buyumlarning chetga olib chiqilishini oldini olishdi. Rossiya Federatsiyasiga yo’l olgan O’zbekiston Respublikasi fuqarosi O. Maklakovaning uy-ro’zg’or buyumlari ortilgan ikkita konteyner “Toshkent-tovar” bojxona postida ko’rikdan o’tkazildi. O. Maklakova tomonidan to’ldirilgan bojxona bayonnomasida qisqagina qilib, eski buyumlar olib ketilayotganligi qayd etilgan edi.

Ammo bojxona nazorati davomida konteynerga ortilgan oddiy eski buyumlar orasida qadimiy diniy kitoblar, ikonalar, rasmlar, bronza, mis va fil suyagidan yasalgan turli haykalchalar, chinnidan ishlangan har xil laganlar, idishlar, tasvirli likopchalar, kashtali matolar, siyohdonlar, asosiy qismi marmar, bronza va misdan iborat  turli xil  soatlar, qimmatbaho qutichalar, mebellar, xorijiy davlatlarning turli davrlarda zarb etilgan tangalarikabi jami 433 donadan iborat tarixiy va badiiy ahamiyatga ega bo’lgan buyumlar borligi aniqlandi.

Badiiy ekspertizaga taqdim etilgan  buyumlarni o’rganib, tahlil qilish jarayonida ular XVIII va XIX asrlarda shuningdek, XX asrning boshlarida yaratilganligi ma’lum bo’ldi.

Hozirda ushbu qonunbuzarlik holati yuzasidan surishtiruv harakatlari olib borilmoqda.

DBQ Matbuot xizmati