O’zbekiston-Turkmaniston chegarasida Xorazm viloyatida “Shovot”, Qashqadaryo viloyatida “Qarshi-Kerki” o’tkazish punktlarini rekonstruktsiya qilish hamda jihozlash ishlari yakuniga yetkazildi.
         TIF ishtirokchilari uchun Toshkent viloyatidagi Angren logistika Markazida “Angren” TIF va “Navoiy” erkin industrial-iqtisodiy zonasining yuk terminalida “Logistika TIF” tashqi iqtisodiy faoliyat bojxona postlari barpo etildi.
         Hozirgi vaqtda Qoraqalpog’istondagi Ustyurt tekisligida joylashgan “Dovud ota” bojxona posti qurilmoqda. Mazkur post halqaro maqomga ega bo’lib, respublikaning strategik jihatdan muhim ob’ektlaridan biri deyish mumkin. Chunki, “Dovud ota” bojxona posti Y-40 halqaro magistral yo’lida chegara-bojxona nazoratini ta’minlaydi. Uning foydalanishga topshirilishi MDH va yevropa mamlakatlariga chiqishni ta’minlaydigan “Buyuk ipak yo’li” (Andijon-Toshkent-Nukus-Qo’ng’irot-Beynov) aytoyo’lidan o’tadigan fuqarolar, avtotransport vositalari va yuklarning olib o’tilishini nazorat qiladi.
       “Dovud ota” chegaradan o’tkazish punktining hududi 2 gektarni tashkil qiladi. Bu yerda nazorat-o’tkazish punktlarining binolari, olib kirilayotgan yuk avtotranport vositalarini chuqurroq ko’rikdan o’tkazish uchun boks,  olib chiqilayotgan yuk avtotranport vositalarini ko’rikdan o’tkazish va rasmiylashtirish uchun binolar, zobitlar oshxonasi, xizmat itlari uchun volerlar, shuningdek, ma’muriy-maishiy korpuslarning birinchi qavatlari qurib bo’lindi.joriy yilning sentyabrida ushbu postda qurilish-montaj ishlarini yakunlash va uni foydalanishga topshirish rejalashtirilgan.