Hayot qonuniga aylangan bir haqiqat bor - insoniyat foydasiga xizmat qiluvchi har qanday kashfiyot agar suiste’mol qilinsa, o’zining salbiy ta’sirini namoyon qila boshlaydi. Tanganing ikki tomoni bo’lgani kabi axborot texnologiyalari hayotimizni yengillashtirish barobarida ayrim yaramas illatlarning avj olishiga ham sabab bo’lishi mumkin.
        Хususan, pornografiya va behayo mazmundagi media mahsulotlar butun dunyo bo’ylab tezkor ravishda yoyilmoqda. Afsuski, tobora global tus olayotgan bu muammo bizni ham chetlab o’tayotgani yo’q. Behayolikni targ’ib etuvchi pornografik mahsulotlarni yurtimizga olib kirishga urinadiganlar uchrab turibdi.
        22 yoshni qarshilagan T. Shamsutdinov buxorolik bojxonachilar oldida uyalib qoldi. Chunki, Moskvadan uchib kelgan bu yigit uyatsiz va behayo filmlar yozilgan 6 dona DVD disklarni yashirincha olib kirishga uringan ekan.
         O’ttizni qoralagan A.Abduvohidovni esa yosh deya olmaymiz. Ammo, u behayo filmlarni tarqatib kun ko’radiganlar toifasidan chog’i, aks holda, 430 dona pornografik ruhdagi filmlar va fotosuratlarni yurtimizga “Qorasuv” bojxona posti orqaliolib kirayotganda qizarib-bo’zarib qolmagan bo’lardi.
         Qonunbuzarlar orasida ayollarning borligi o’ta ayanchlidir. Bojxona nazorati paytida, “Moskva-Qarshi” aviareysi bilan uchib kelgan fuqaro A.Tursunovaning qo’l sumkasidan 3 dona pornografik mazmundagi disklar topildi.