Тадбиркорлар ва ТИФ
иштирокчилари учун доимий
ишонч телефони
11-08
Кўриб чиқилган мурожаатлар бўйича статистик маълумотлар
4876

Давлат божхона қўмитасига 2019 йил давомида жисмоний ва юридик шахслардан келган мурожаатлар бўйича амалга оширилган ишлар тўғрисида маълумот

Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонуни, амалдаги норматив-ҳуқуқий хужжатлар талаблари ижроси бўйича давлат божхона хизмати органларида бир қатор амалий ва ташкилий тадбирлар амалга оширилмоқда.

Жумладан, Давлат божхона қўмитасида ўтказилаётган Ҳайъат ва ҳудудий божхона бошқармаларидаги кенгаш йиғилишларида жисмоний ва юридик шахсларнинг мурожаатлари бўйича амалга оширилаётган ишлар, йўл қўйилаётган камчиликлар ва уларни бартараф этиш чоралари танқидий муҳокама қилиниб келинмоқда.

Ўзбекистон Республикаси Президентининг виртуал қабулхонаси орқали давлат божхона хизмати органларига жисмоний ва юридик шахслар томонидан келиб тушаётган мурожаатларнинг ижроси алоҳида назоратга олиниб, зарур бўлса муаллиф билан шахсан учрашувлар ташкил этилиб, муаммо ва масалалари ҳал этилмоқда.

Давлат божхона қўмитасига жисмоний ва юридик шахслардан, хусусан Ўзбекистон Республикаси Президенти виртуал қабулхонаси орқали келиб тушаётган мурожаатларни амалдаги қонунчиликка қатъий амал қилган ҳолда, тўлиқ, холис ва ўз вақтида кўриб чиқилишини ташкил этиш мақсадида Ҳайъат ва ҳудудий бошқармаларнинг Кенгаш йиғилишларида жисмоний ва юридик шахсларнинг мурожаатлари билан ишлаш аҳволи кун тартибига киритилиб, амалга оширилган ишлар муҳокама қилиниб келинмоқда.

2019 йил давомида ДБҚга жисмоний ва юридик шахслардан жами 3230 та (жисмоний шахслар 2852 та, юридик шахслар 378 та) мурожаатлар келиб тушди. (Ўтган йилга нисбатан 370 тага камайди)

Келиб тушган мурожаатларнинг 726 таси (22,4%), электрон кўринишда, 800 таси (24,7%), ёзма шаклда ва 1704 таси (52%), оғзаки мурожаатларни ташкил этди.

Мазкур мурожаатларнинг 685 таси (21,2%), қаноатлантирилди, 2442 таси (75%), бўйича амалдаги қонун ҳужжатлари талаблари тушунтирилди, 62 таси (1,9%), рад этилди, 41 таси (1,2%), кўриб чиқиш босқичида.

ДБҚ ишонч телефони марказига 1084 та мурожаатлар келиб тушган бўлиб, шундан, 840 таси (77%), божхона назорати ва расмийлаштируви ҳамда божхона тўловларидан имтиёз ва префренциялар олиш, 81 таси (7,4,%), мусодара қилинган товарини қайтиб олиш, 38 таси (3,5%) ходимлар ноқонуний ҳатти-ҳаракати норози, 30 таси (2,7%), электрон дастурдаги муаммолар юзасидан, 95 таси (8,7,%), бошқа масалалардаги мурожаатларни  ташкил этди. (Ўтган йилга нисбатан келиб тушган мурожаатлар сони 984 тага  кўпайди бунинг асосий сабаби ДБҚ ишонч телефони маркази 2018 йил сентябрь ойидан иш бошлаган.)

Мазкур мурожаатларнинг 305 таси (28%) қаноатлантирилди, 724 таси (66,7%) бўйича амалдаги қонун ҳужжатлари талаблари тушунтирилди, 32 таси (2,9%) рад этилди ва 23 таси (2,1%) кўриб чиқиш босқичида.

ДБҚ Раисининг шахсий  қабулига 138 та фуқаролар қабул қилинди.

Қабул қилинган фуқароларнинг 89 таси (64,4%) божхона органлари хизматига қайта тиклаш, 30 таси (21%) бошқа вилоятга ротация қилиш масаласида, 12 таси (8,6%) божхона расмийлаштируви, 7 таси (5%), ходимлар ҳатти-ҳаракатидан норози бўлиб каби масалаларни ташкил этди (Ўтган йилга нисбатан 235 тага камайди).

2019 йил давомида ДБҚ Раисининг жойларда Тошкент, Сирдарё, Андижон, Фарғона, Хоразм, Наманган, Жиззах, Навоий, Бухоро, Самарқанд вилоятлари, Тошкент шаҳри ҳамда Қорақалпоғистон Республикасида 14 маротаба шахсий сайёр қабуллари ўтказилди.

Ўтказилган сайёр қабуллар давомида 400 дан ортиқ Ташқи иқтисодий фаолият қатнашчилари, тадбиркорлик субъектлари, божхона расмийлаштируви  мутахассислари иштирок этди. (Ўтган йилга нисбатан 30 тага кўпайди).

Ўтказилган сайёр қабулларда жами 133 нафар мурожаатчининг масаласи кўриб чиқилди, шундан 55 таси жойида ҳал этилди, 25 та мурожаат бўйича қонунчилик талаблари тушунтириб берилди, 7 та киритилган таклифлар тўлиқ ўрганиб чиқилган ҳолда тегишлилиги бўйича таклифлар киритиш назоратга олинди, 5 та мурожаат юқори турувчи давлат органларига юборилди 41 таси бўйича қўшимча ўрганишлар талаб этганлиги сабабли назоратга олинди.

ДБҚ марказий аппарати ҳамда ҳудудий бошқармаларда жисмоний ва юридик шахсларнинг мурожаатларини ўз вақтида кўриб чиқиш, қонуний ҳал этиш, уларга асосланган жавоб хатларини юбориш, шу билан бирга чуқур таҳлил қилиш, шикоятларни келиб чиқиш сабабларини ўрганиш (айниқса такрорий мурожаатларни), уларнинг олдини олиш ва келгусида такрорланмаслигини таъминлаш бўйича зарур тадбирлар кўрилмоқда.

ДБҚ Раиси ўринбосарлари ва Марказий аппарати тузилмаларининг мутасадди раҳбарлари ҳудудий божхона бошқармалари раҳбарлари 2019 йилда тасдиқланган жадвал асосида вилоятларга чиқиб, фуқаролар ва ташқи иқтисодий фаолият билан шуғулланувчилар билан мунтазам учрашувлар ўтказиб, божхона соҳасидаги янги норматив-ҳуқуқий ҳужжатларнинг мазмун-моҳиятини тушунтириш, мавжуд муаммоларини ўрганиш ва уларнинг қонуний ечимини топишда амалий ёрдамлар кўрсатилди.

Давлат божхона қўмитаси марказий аппарати ва ҳудудий бошқармаларида мурожаатларни кўриб чиқиш борасида амалга оширилаётган ишлар мунтазам равишда таҳлил қилиниб, уларни амалдаги қонунчилик талабларига мувофиқ кўриб чиқилиши доимий назорат қилинмоқда.

Давлат божхона қўмитаси
Мурожаатлар билан ишлаш бўлими

13.02.2018

Эшитиш учун матнни белгиланг ва ушбу тугмани босинг